Министерот за земјоделство, шумарство и водостопанство Арјанит Хоџа заедно со министерот за земјоделство и рурален развој на Република Албанија, Бледи Чучи , денеска потпишаа Спогодба за заедничко одржливо управување со риболовот на Охридското и Преспанското Езеро и понатамошно унапредување на нашите напори за интеграција во ЕУ.
Како што е веќе добро познато, Охридското и Преспанското Езеро се едни од најбогатите со рибна фауна, па тоа наметнува и повеќе предизвици за надлежните органи. Нашата цел е да се создаде усогласена институционална поставеност и пристап за соработка за овие езера.
Оваа Спогодба обезбедува основа за создавање на ново билатерално тело - Заеднички Комитет за риболов на Охридското и Преспанското Езеро.
No comments:
Post a Comment